28.11.2022ж күні Мектебімізде оқушылар арасында пікірталасқа түсу мәдениетін қалыптастыру мақсатында " Білім қымбат па? Байлық қымбат па?" тақырыбында АІІФ дебат ойыны өтті. Бұл іс-шарада 9 сынып оқушыларынан құралған 2 топ жеребе арқылы "Үкімет" және "Оппозиция" болып бөлінді. Дайындыққа уақыт беріліп, ойын басталды. Тайм спикер тағайындалды. Оқушылар ойын ережесіне сай өнерлерін көрсетті. Қарарларын барынша өтімді, өткір сөздерімен қорғай алды. Екі топ мүшелері де пікірталасқа түсуге тырысты. Әліде ойын ережесіне сай дайындықтың керектігі байқалды. Дей тұрғанмен балалардың бастамалары, белсенділіктері қуантты. Ойын соңында екі топ теңдей түсіп, жүлдегер атанды. Оқушыларға алдағы шығармашылық жұмыстарына сәттілік тілейміз.
