«Қамқоршылар күні» мерекесіне орай, №1 жалпы білім беретін мектеп КММ-де ата-анасының қамқорлығынсыз қалған және жетім балалардың қамқоршыларына арналған іс-шара өткізілді. Іс-шара барысында мектеп директоры мен әлеуметтік педагог қамқоршыларға алғыс хаттар табыстап, олардың балаларға көрсетіп отырған жанашырлығы мен мейірімді еңбектері үшін шынайы ризашылықтарын білдірді. Бұл мереке қамқоршылардың қоғамдағы маңызды рөлін айқындап, олардың жауапкершілік пен адамгершілікке толы еңбегін бағалауға бағытталды. Іс-шара жылы әрі әсерлі жағдайда өтті, алғыс пен құрметке толы сәттер қамқоршылардың көңілінде ерекше із қалдырды.
