“Еңбегі адал жас өрен” жобасы аясында мектебімізде ата-аналардың қатысуымен “Жақсылық жасап жарысайық” атты жәрмеңке өтті.
“Еңбегі адал жас өрен” жобасы аясында мектебімізде қаңтардың 16 күні ата-аналардың қатысуымен ерекше қайырымдылық жәрмеңкесі өтті. Ата-аналар өз қолдарымен тәттілер пісіріп, жәрмеңкеге ұсынды. Барлығының бірігіп атсалысуының арқасында жәрмеңкеден жиналған қаржы мектептің әлеуметтік педагогына тапсырылды.
Іс-шараның мақсаты – мұқтаж жандарға қолдау көрсету.
Бұл жәрмеңке тек көмек қана емес, сонымен бірге мектеп қауымдастығының бірлігін, ізгілігін және мейірімділігін көрсетті. Барша қатысушыларға алғысымыз шексіз!
