Жаңалықтар
13.07.2024
Өңірімізде 16 мамыр мен 5 шілде аралығында елімізде ұлттық бірыңғай тестілеу өткізілді. Тестілеуге Маңғыстау облысы түлектерінің арасынан 15 мыңнан аса өтініш келіп түскен. Бұл туралы Қоғамдық Коммуникация орталығында өткен брифингте Маңғыстау облысы білім басқармасы басшысының орынбасары Гүлмира Мамаева хабарлады.Спикердің айтуынша, Маңғыстау облысының мектептерін 8070 оқушы аяқтады. Жоғары білімі бар кадрларды даярлауға 79 мыңнан аса білім гранты бөлінді. Маңғыстау облысы түлектері үшін 43 ЖОО-на 2000 білім гранты бөлінді. Оның ішінде, педагогикалық ғылымдар саласына – 274, өнер және гуманитарлық ғылымдар саласына – 90, әлеуметтік ғылымдар, журналистика және ақпарат саласына – 122, бизнес, басқару және құқық саласына – 190, жаратылыстану ғылымдары, математика және статистика саласына – 70, ақпараттық-коммуникациялық технологиялар саласына – 565, инженерлік, өңдеу және құрылыс салаларына – 589, ауыл шаруашылығы және биоресурстар саласына – 30, қызмет көрсету саласына – 70 білім гранты бөлінді,- деді Гүлмира Мамаева.
Брифинг барысында Есенов университеті қабылдау комиссиясының жауапты хатшысы Ерсайын Джалғасов бакалавриат, магистратура және докторантураға түсу үшін келесі оқу жылына арналған гранттардың тізімімен таныстырды.
- Барлығы 112 мың грант бөлінді. Сондай-ақ, гранттардың ең көпсанын келесі білім беру бағдарламаларының топтары алды: «инженерлік, өңдеу, құрылыс салалары» - 19 344 грант;
«Педагогикалық Ғылымдар» - 13 735 грант;
«ақпараттық-коммуникациялық технологиялар» - 10 903 грант;
«жаратылыстану ғылымдары, математика жәнестатистика» - 8 288 грант. Өз тарапымнан барша студенттерге сәттілік тілеймін,- деді Ерсайын Джалғасов.
Айта кетейік, аталған білім гранттары конкурсына құжат қабылдау а.ж. 13-20 шілде аралығында Есенов университеті базасында жүргізіледі.
Community discussions
Обсуждений не найдено
